Karthika Shukla Shashti – Sri Shashti Devi Siddhi Roju
Kartika Shukla Shashti Sri Shashti Devi Siddhi Roju
Dhyānam
Śrīman-mātaram ambikāṁ vidhimanojātāṁ sadābhīṣṭadāṁ
skandeṣṭāṁ ca jagatprasūṁ vijayadāṁ satputra saubhāgyadām ।
sadratnābharaṇānvitāṁ sakaruṇāṁ śubhrāṁ śubhāṁ suprabhāṁ
ṣaṣṭhāṁśāṁ prakṛteḥ paraṁ bhagavatīṁ śrī devasēnāṁ bhajē ॥ 1 ॥
Ṣaṣṭhāṁśāṁ prakṛteḥ śuddhāṁ supratiṣṭhāṁ ca suvratāṁ
suputradāṁ ca śubhadāṁ dayārūpāṁ jagatprasūm ।
śvētacampakavarṇābhāṁ raktabhūṣaṇa bhūṣitāṁ
pavitrarūpāṁ paramaṁ dēvasēnā parāṁ bhajē ॥ 2 ॥
Stotram
Namo devyai mahādevyai siddhyai śāntyai namo namaḥ ।
śubhāyai dēvasēnāyai ṣaṣṭhīdevyai namo namaḥ ॥ 1 ॥
Varadāyai putradāyai dhanadāyai namo namaḥ ।
sukhadāyai mokṣadāyai ṣaṣṭhīdevyai namo namaḥ ॥ 2 ॥
Sṛṣṭyai ṣaṣṭhāṁśarūpāyai siddhāyai ca namo namaḥ ।
māyāyai siddhayōginyai ṣaṣṭhīdevyai namo namaḥ ॥ 3 ॥
Sārāyai śāradāyai ca parādēvyai namo namaḥ ।
bālādhiṣṭhātrudēvyai ca ṣaṣṭhīdevyai namo namah ॥ 4 ॥
Kalyāṇadāyai kalyāṇyai phaladāyai ca karmaṇām ।
pratyakṣāyai sarvabhaktānāṁ ṣaṣṭhīdevyai namo namah ॥ 5 ॥
Pūjyāyai skandakāntāyai sarveṣāṁ sarvakarmasu ।
dēvarakṣaṇa kāriṇyai ṣaṣṭhīdevyai namo namah ॥ 6 ॥
Śuddhasattva svarūpāyai vanditāyai nṛṇāṁ sadā ।
hiṁsākrōdha varjitāyai ṣaṣṭhīdevyai namo namah ॥ 7 ॥
Dhanaṁ dēhi priyāṁ dēhi putraṁ dēhi surēśvari ।
mānaṁ dēhi jayaṁ dēhi dviṣō jahi mahēśvari ॥ 8 ॥
Dharmam dēhi yaśo dēhi ṣaṣṭhīdevī namo namah ।
dēhi bhūmiṁ prajāṁ dēhi vidyāṁ dēhi supūjitē ।
kalyāṇaṁ ca jayaṁ dēhi ṣaṣṭhīdevyai namo namah ॥ 9 ॥
Phala Śruti
Iti devīṁ ca saṁstutya labhēt putraṁ priyavratam ।
yaśaśvinaṁ ca rājēndraṁ ṣaṣṭhīdevī prasādataḥ ॥ 10 ॥
Ṣaṣṭhīstotram idaṁ brahmān yaḥ śṛṇōti tu vatsaram ।
aputrō labhatē putraṁ varaṁ sucira jīvanam ॥ 11 ॥
Varṣam ēkaṁ ca yā bhaktyā saṁstutyaidaṁ śṛṇōti ca ।
sarvapāpād vinirmuktā mahāvandhyā prasūyatē ॥ 12 ॥
Vīraṁ putraṁ ca guṇinaṁ vidyāvantaṁ yaśasvinam ।
sucirāyuṣyavantaṁ ca sūtē dēvī prasādataḥ ॥ 13 ॥
Kākavandhyā ca yā nārī mṛtavatsā ca yā bhavēt ।
varṣaṁ śṛtvā labhēt putraṁ ṣaṣṭhīdevī prasādataḥ ॥ 14 ॥
Rōgayuktē ca bālē ca pitāmātā śṛṇōti cēt ।
māsena mucyatē rōgān ṣaṣṭhīdevī prasādataḥ ॥ 15 ॥
Jaya dēvi jaganmātaḥ jagadānandakāriṇi ।
prasīda mama kalyāṇi namastē ṣaṣṭhīdēvatē ॥ 16 ॥
Itī Śrī Ṣaṣṭhīdevī Stōtram
